დოხტურიშვილი, მზაღო/მზაღვე (2009) Ou Li Po - მწერლები და მათემატიკოსები ახალი ლიტერატურული ფორმების ძიებაში ენობრივი ავანტიურა. ლიპოგრამატიკული ინტერტექსტი / ჰიპერტექსტი. In: შედარებითი ლიტერატურის სემინარი, 2009 წლის 11 თებერვალი, ილიას სახელმწიფო უნივერსიტეტი. (არ გამოქვეყნებულა)
![[img]](http://eprints.iliauni.edu.ge/style/images/fileicons/text.png) |
ტექსტი
OuLiPo2.docx Download (89kB) |
რეზიუმე
რომანის გენიალობა იმაშია, რომ სიცოცხლე შთაბეროს პოტენციურ შესაძლებელს და არა ის, რომ არსებული სინამდვილე დახატოს (ალბერ ტიბოდე) როდესაც სამეცნიერო კვლევებში ინტერდისციპლინარიზმზე ვსაუბრობთ, განსაკუთრებით უნდა აღინიშნოს ურთიერთობა ლიტერატურასა და მათემატიკას შორის, მწერლებსა და მათემატიკოსებს შორის. ვფიქრობთ ამ, ერთი შეხედვით, ერთმანეთთან საერთოს არ მქონე დისციპლინებს შორის კავშირი ძირითადად ლიტერატურული ნაწარმოების ფორმაზე, მის სტრუქტურაზე, მის ენობრივ თავისებურებებზე ამახვილებს ყურადღებას. ამით არის განპირობებული ის მნიშვნელოვანი ფაქტი, რომ ამ კავშირის შედეგად შექმნილი ლიტერატურული ნაწარმოებები ლინგვისტების განსაკუთრებულ ინტერესს იწვევენ. მოხსენებაში ყურადღებას ვამახვილებთ შემდეგ მომენტებზე: თავდაპირველად განვმარტავთ, რას ნიშნავს Ou Li Po, გადმოვცემთ მისი დაარსებისა და დღემდე მისი არესებობის მოკლე ისტორიას, განსაკუთრებულ ყურადღებას ვამახვილებთ იმ თავისებურებებზე, რომლებიც ამ ჯგუფის ავტორების ნაწარმოებებისათვის არის დამახასიათებელი. შემდეგ კი უფრო ვრცლად ვეხებით ულიპოს ერთ-ერთი ყველაზე მნიშვნელოვანი წარმომადგენლის, ჟორჟ პერეკის ცხოვრებასა და შემოქმედებას. ვაჩვენებთ, რაში მდგომარეობს მათემატიკასთან მისი ნაწარმოებების კავშირი, შესაბამისად, მოკლედ წარმოვადგენთ მისი ნაწარმოებების ესთეტიკას, სტილისა და პოეტიკის თავისებურებებს, ავტორის შეხედულებას მწერლობაზე, ავტორსა და მკითხველს შორის დამოკედიბულების პერეკისეულ ინტერპრეტაციას, მიმოვიხილავთ ზოგადად იძულებათა იმ გამას, რომელსაც პერეკის ნაწარმოებებში ვხვდებით, განსაკუთრებულ ყურადღებას ვამახვილებთ ინტერტექსტუალობის ფენომენის თავისებურებებზე პერეკის ნაწარმოებებში, ვხსნით თუ რაში მდგომარეობს ე.წ. ”ენობრივი ავანტიურა”, რომელიც ნაწარმოების ფორმას ეხება, როგორია, ასეთ შემთხვევაში, ურთიერთობა ფორმასა და შინაარსს შორის და ბოლოს ვიძლევით ერთ-ერთი ლიპოგრამატიკული ინტერტექსტი/ჰიპერტექსტის ანალიზს.
| ობიექტის ტიპი: | სემინარის ან კონფერენციის მოხსენება (მოხსენება) |
|---|---|
| თემატიკა: | P Language and Literature > P Philology. Linguistics P Language and Literature > PC Romance languages P Language and Literature > PQ Romance literatures |
| ქვეგანყოფილება: | Faculties/Schools > Faculty of Arts and Sciences |
| განმათავსებელი მომხმარებელი: | Professeur Mzaro/Mzagve Dokhtourichvili |
| განთავსების თარიღი: | 09 თებერვალი 2014 11:56 |
| ბოლო ცვლილება: | 10 სექტემბერი 2018 10:52 |
| URI: | http://eprints.iliauni.edu.ge/id/eprint/932 |
Actions (login required)
 |
ობიექტის ნახვა |
