სახელმძღვანელო მომზადდა პროექტის ”ბავშვზე ზრუნვის სისტემებისა და მომსახურების გაძლიერების პროექტის” ფარგლებში, “გაეროს ბავშვთა ფონდის” მხარდაჭერით. პროექტის ძირითადი მიზანია საქართველოს მთავრობის დახმარება ბავშვზე ზრუნვის რეფორმის განხორციელების პროცესში. პროექტის ფარგლებში სოციალური მომსახურების სააგენტოსთვის მომზადდა 50 ახალი სოციალური მუშაკი. სახელმძღვანელო მიზნად ისახავს უფრო ღრმად და საფუძვლიანად გააცნოს დაინტერესებულ მკითხველს სოციალური მუშაობის მეთოდები და მოდელები. გარდა ამისა, მასში მიმოხილულია სხვადასხვა დაუცველი ჯგუფები და მათთან სოციალური მუშაობის სპეციფიკა. ამ მხრივ აღნიშნული სახელმძღვანელო უნიკალურია, რადგან დღესდღეობით არ არსებობს ქართულენოვანი სახელმძღვანელო, რომელიც ასე დეტალურად აქცენტირდება სხვადასხვა დაუცველ ჯგუფებზე, მათ საჭიროებებზე და დახმარების ფორმებზე სოციალური მუშაობის კუთხით. იმედი გვაქვს, რომ წინამდებარე პრაქტიკული სახელმძღვანელო რეალურ დახმარებას გაუწევს როგორც ახალბედა სოციალურ მუშაკებს, ასევე სისტემაში მომუშავე, გამოცდილ სოციალურ მუშაკებს, თავიანთი პრაქტიკის უკეთ განხორციელებაში, რაც იქნება იმის საწინდარი, რომ ბენეფიციარებს უფრო ეფექტური და გააზრებული დახმარება აღმოვუჩინოთ.