წინამდებარე სახელმძღვანელო განკუთვნილია ფილოლოგიის ფაკულტეტის მაგისტრანტებისათვის. მისი მიზანია გააცნოს რომანისტიკის მიმართულების სტუდენტებს, ის თუ რა მსგავსება და განსხვავება არსებობს რომანული ჯგუფის ენებსა და ქართულ ენას შორის. განხილულია სამი რომანული ენა, რომლებიც ჩვენს უნივერსიტეტში ისწავლება: ფრანგული, ესპანური და იტალიური ენები. რომანული ენების ქართულთან შეპირისპირება საშუალებას მისცემს ყველას, ვინც დაინტერესებულია რომანისტიკით, უკეთესად გაეცნონ მშობლიურ ენას და რომანულ ენებს სინქრონულ ჭრილში.